युनिकोड
भारतका राष्ट्रपति द्रौपदी मुर्मुले उपराष्ट्रपति जगदीप धनखडको राजीनामा स्वीकृत गरेकी छन्।
स्वास्थ्यको कारण देखाउँदै उपराष्ट्रपति धनखडले सोमबार दिउँसो बुझाएको राजीनामा राष्ट्रपति मुर्मुले मंगलबार दिउँसो स्वीकृत गरेकी हुन्।
यसैबीच प्रधानमन्त्री नरेन्द्र मोदीले उपराष्ट्रपति पदबाट राजीनामा दिएका धनखडलाई स्वास्थ्यलाभको कामना गरेका छन्।
मोदीले सामाजिक सञ्जालमा लेखेका छन्, 'जगदीप धनखडजीले उपराष्ट्रपतिसहित धेरै भूमिकामा देशको सेवा गर्ने अवसर पाएका छन्। म उनको स्वास्थ्यलाभको कामना गर्दछु।'
धनखडले राजीनामा दिएपछि भारतमा उपराष्ट्रपति पद रिक्त भएको छ। अब नयाँ उपराष्ट्रपति चयन गर्न चुनाव गर्नुपर्ने भारतीय सञ्चारमाध्यमले जनाएका छन्।
प्रतिक्रिया