युनिकोड
अर्घाखाँची र पाल्पाका लागि मौसम विभागले जारी गर्यो चेतावनी
जल तथा मौसम विज्ञान विभागले अर्घाखाँची र पाल्पा जिल्लाका लागि चेतावनी जारी गरेको छ।
आज दिउँसो १ बजे विभागले सूचना जारी गरी वर्षा भएको १ घण्टामै अर्घाखाँची वर्षामापन केन्द्र र पाल्पाको बल्ड्याङगढी मापनकेन्द्रमा मध्यम वर्षा भएको देखिएको जानकारी दिएको हो।
मौसम विभागले जारी गरेको सूचनामा भनिएको छ, पछिल्लो १ घण्टामा अर्घाखाँची जिल्लास्थित अर्घाखाँची वर्षामापन केन्द्र र पाल्पा जिल्लास्थित बल्ड्याङगढी वर्षामापन केन्द्रहरू र आसपासका क्षेत्रमा मध्यम वर्षा मापन भएको छ। सो क्षेत्र भई बहने ससाना खोलाहरूमा बहाब केही बढ्न सक्ने सम्भावना भएकाले सतर्कता अपनाइराखौँ।
प्रतिक्रिया