नयाँ मन्त्रीलाई एमाले नेता विष्णु रिजालको शुभकामना होइन, सुझाव

नेकपा एमालेका नेता विष्णु रिजालले नयाँ मन्त्रीलाई शुभकामना होइन, सुझाव दिएका छन्।

शुक्रबार पुनर्गठित मन्त्रिपरिषदमा सहभागी भएका मन्त्रीलाई ‘म जीवनभर यही पदमा रहन्छु’ भन्ने भ्रममा नपरी काम गर्न नेता रिजालले आग्रह गरेका हुन्।

‘राजनीतिकर्मीका लागि मन्त्री बन्नु वा बिदा हुनु सामान्य र नियमित विषय हो,’ उनले भनेका छन्, ‘यति मात्र आशा र अपेक्षा रहन्छ– मन्त्री पदमा रहँदा ‘म आजीवन यहीं रहन्छु’ भन्ने नसोचिए दिएर ‘यसबाट बिदा भएपछि आफ्नै धरातलमा फर्किनुपर्छ’ भन्ने सोचिदिए पुग्छ। बाँकी त आफ्ना प्राथमिकता र ल्याकतका कुरा भए।’