युनिकोड
आकर्षक रोजगारीको झुटो आश्वासनमा फसाई भारतको उत्तराखण्डस्थित काशिपुरमा बन्धक बनाइएका ३५ जना नेपाली युवकको उद्धार गरिएको छ।
नेपाली राजदूतावास, नयाँ दिल्लीका अनुसार पीडितहरूलाई विभिन्न जिल्लाबाट झुक्याएर भारत पुर्याई बन्धक बनाइएकै अवस्थामा कुटपिट, यातना र आर्थिक शोषण गरिएको थियो।
उद्धारपछि घटनामा संलग्न केही व्यक्तिलाई उत्तराखण्ड प्रहरीले पक्राउ गरेको छ भने अन्य स्थानमा अझै पनि नेपालीहरू बन्दी बनाइएका हुन सक्ने आशंकामा खोजी र उद्धार कार्य जारी रहेको दूतावासले बताएको छ।
दूतावासले उद्धार गरिएका व्यक्तिहरूलाई कानुनी प्रक्रिया पूरा गरेपछि नेपाल फर्काइने जानकारी दिएको छ।
प्रतिक्रिया