पेस्तोल र गोली देखाएर थर्काउँदै हिँड्ने २ जना पक्राउ

काठमाडौँको इचंगुनारायण मन्दिर क्षेत्रमा हतियार देखाएर स्थानीयलाई आतंक सिर्जना गरेको आरोपमा दुई जना पक्राउ परेका छन्। 

स्थानीयको गुनासोपछि खटिएको काठमाडौँ उपत्यका अपराध अनुसन्धान कार्यालयको टोलीले नुवाकोटका २३ वर्षका समीर श्रेष्ठ र काभ्रेपलाञ्चोकका २३ वर्षका एलेक्स नेपालीलाई पक्राउ गरेको हो।  

उनीहरूलाई काठमाडौँ महानगरपालिका-१८ ढल्कोबाट पक्राउ गरेको प्रहरी उपरीक्षक काजीकुमार आचार्यले जानकारी दिए। 

समीर यसअघि गत भदौ ६ गते अभद्र व्यवहारको कसुरमा पक्राउ परेर छुटेका थिए।