युनिकोड
तेह्रथुम, झापा र कैलालीमा तीन जनाको शव फेला परेको छ।
झापा र कैलालीमा दुई पुरुष र तेह्रथुममा एक महिला मृत अवस्थामा भेटिएका प्रहरीले जनाएको छ।
झापाको कमल गाउँपालिका-५ स्थित रतुवा खोलामा हाल नाम, थर र वतन नखुलेका अन्दाजी ६५ वर्षीय पुरूषको शव भेटिएको हो।
ती पुरुषको मृत्युको कारण पनि खुलेको छैन।
त्यसैगरी कैलालीको गोदावरी नगरपालिका-४ लामामोडस्थित गोदावरी सामुदायिक वनमा पनि एक युवक मृत भेटिएका छन्।
हाल नाम, थर र वतन नखुलेका अन्दाजी ३० वर्षीय पुरूषको सनाखतको प्रयास जारी रहेको प्रहरीले जनाएको छ।
त्यसैगरी तेह्रथुमको म्याङलुङमा एक महिला मृत भेटिएकी प्रहरीले जनाएको छ।
म्याङलुङ नगरपालिका-९ साब्ला बस्ने ५३ वर्षीया दिल माया लिम्बू मृत भेटिएकी हुन्।
स्थानीय जुके खोल्सामा शुक्रबार उनको शव फेला परेको र मृत्युको कारण नखुलेको प्रहरीको भनाई छ। यी सबै घटनामा थप अनुसन्धान जारी रहेको प्रहरीले जनाएको छ।
प्रतिक्रिया