युनिकोड
धनकुटामा भिरबाट ट्रक खस्दा चालक र सहचालक गम्भीर घाइते भएका छन्।
गएराति करिब दुईबजे धनकुटाबाट मुलघाटतर्फ आउँदै गरेको प्र.३-०१-००३ क ६९०६ नम्बरको मिनि ट्रक धनकुटा नगरपालिका-९ पाँच गोलाइमा दुर्घटना भएको जिल्ला प्रहरी कार्यालय धनकुटाले जनाएको छ।
दुर्घटनामा ट्रकका चालक उदयपुरको उदयपुरगढी गाउँपालिका-५ का २६ वर्षीय नारायण खड्का र सहचालक उदयपुरकै रानीटारका २० वर्षीय दिनेश कार्की घाइते भएका हुन्।
उनीहरु दुवैको अवस्था गम्भीर रहेको प्रहरीले जनाएको छ। उनीहरुको जिल्ला अस्पताल धनकुटामा उपचार भइरहेको छ ।
ट्रक सडकबाट करिब तीनसय मिटर तल खसेको प्रहरीले जनाएको छ।
दुर्घटनाको खबर पाएपछि सशस्त्र प्रहरी बलको विपद् व्यवस्थापन बेश मुलघाटबाट गएको टोली र जनपद प्रहरीले घाइतेलाई अस्पताल पुर्याएका हुन्।
प्रतिक्रिया