भारत र श्रीलंकामा जारी विश्वकपमा १ करोड १२ लाख डलरको कुल पुरस्कार रकम, विजेताले कति पाउँछ?

भारत र श्रीलंकामा जारी आईसीसी पुरुष क्रिकेट टी२० विश्वकपमा यसपालि १ करोड १२ लाख ५० हजार अमेरिकी डलरको कुल पुरस्कार राशि रहेको छ। 

अन्तर्राष्ट्रिय क्रिकेट परिषद् (आईसीसी)का अनुसार यसमध्ये विश्वविजेताले २३ लाख ४० हजार अमेरिकी डलर पाउनेछ। त्यसैगरी रनर्स अपलाई ११ लाख ७० हजार डलर, सेमिफाइनलमा पराजित हुने टोलीले ६ लाख ७५ हजार डलर, पाँचौँदेखि आठौँ स्थानमा रहनेले २ लाख ७० हजार डलर, नवौँदेखि १२औँ स्थानमा रहनेले १ लाख १२ हजार ५ सय डलर पाउनेछन्। 

त्यसबाहेक प्रतिखेल जितका लागि ३१ हजार १ सय ५४ डलर र बेस प्राइज मनी १ लाख १२ हजार ५ सय डलर राखिएको छ।