युनिकोड
यूएईविरुद्धको दोस्रो टी–२० आई खेलको पावर प्ले मा नै नेपाली टोलीले दबाब बनाएको छ।
कीर्तिपुरस्थित त्रिवि क्रिकेट मैदानमा टस जितेर बलिङ रोजेको नेपालले पावर प्ले मा नै ३ विकेट लिएको छ।
यूएईले ६ ओभरको समाप्तीमा ३ विकेटको क्षतिमा ४७ रन बनाएर खेलिरहेको छ। क्रिजमा अदिव उस्मान ३० र अर्षदिप नाथ १५ रनमा अविजित छन्।
हेमन्त धामीले २ तथा नन्दन यादवले एक विकेट लिएका छन्। हेमन्तले पहिलो र तेस्रो ओभरमा एक विकेट लिदै दबाबमा राखे।
यूएईका ओपनर तथा कप्तान मुहम्मद वसिम इनिङसको पहिलो बलमा नै आउट भए। दोस्रो ओभरको चौथो बलमा अलिसान सराफु १ रन बनाउँदा नन्दन यादवको बलमा विकेट किपर लोकेश बमको हातबाट आउट हुन पुगे।
हरप्रित सिंह १ रनमा हेमन्त धामीको बलमा एलबीडब्लु धरापमा परे।
प्रतिक्रिया