डा. सीके राउत नेतृत्वको जनमत पार्टीको केन्द्रीय कमिटी बैठक काठमाडौंमा सुरु भएको छ।
काठमाडौंको कोटेश्वरस्थित तपोवन होटलमा बिहीबार बिहान १० बजेदेखि केन्द्रीय समिति बैठक सुरु भएको हो।
मंसिर ४ मा भएको निर्वाचनबाट राष्ट्रिय पार्टी बनेपछि पहिलो पटक जनमतको केन्द्रीय कमिटी बैठक काठमाडौंमै राखेको हो।
२०७५ चैतमा गठित यो पार्टीले केन्द्रीय समिति बैठक मधेश प्रदेशको राजधानी जनकपुरमा राख्ने गरेको थियो।
जनमतले प्रत्यक्षमा १ र समानुपातिकमा ५ सिट जितेको छ। बैठकमा चुनावी समीक्षा र आगामी रणनीतिबारे छलफल हुने बताइएको छ।
जनमतका अध्यक्ष राउत सप्तरी क्षेत्र नम्बर १ बाट प्रतिनिधिसभामा निर्वाचित भएका छन्। समानुपातिकका ५ सिटबारे पनि यो बैठकले निर्णय गर्ने बताइएको छ।
117
Shares
प्रतिक्रिया