युनिकोड
झापाको कचनकबल गाउँपालिका–३ मा विद्यार्थी बोकेको बस दुर्घटना हुँदा १३ जना घाइते भएका छन्।
विद्यार्थी ओसारिरहेको विद्यापानी माध्यमिक विद्यालयको प्र.१-०१-००१ ख४४८२ नम्बरको बस बुधबार दुर्घटनामा परेको हो।
दुर्गाभिट्टाबाट आमबारीतर्फको भित्री सडकमा जाँदै गर्दा प्र.१-०१-०१३ प३४८२ नम्बरको मोटरसाइलकलाई ठक्कर दिएपछि बस अनियन्त्रित भइ पल्टिएको जिल्ला प्रहरी कार्यालयका सूचना अधिकारी खगेन्द्रबहादुर खड्काले जानकारी दिए।
दुर्घटनामा बसमा सवार १८ मध्ये १३ जना विद्यार्थी घाइते भएका हुन्।
घाइते ११ जनालाई उपचारका लागि बिर्तामोडस्थित मनमोहन सामुदायिक अस्पतालमा भर्ना गरिएको छ।
दुर्घटनामा मोटरसाइकल चालक कचनकबल-३ का ५२ वर्षीय ओमप्रसाद तिम्सिनाको मुख, टाउको र खुट्टामा चोट लागेको छ। बस चालक फरार रहेका प्रहरीले जनाएको छ।
प्रतिक्रिया